Ви гьар са гаф хьана къизил,
Лезгидалди рахаз кьезил,
Девир куьруь хьана мензил,
Вун кук1ушдал алаз хьана.
Ваз гележег акунай фад,
Инкъилибар хъжерди мад,
Сиясатдихъ тежерди дад-
Ви ч1алара аваз хьана.
Ч1уру ният авай инсан
Ажеб вуна негьна хъсан.
Арифдарар тир ваз масан,
На гьабур чаз къалаз хьана.
Гафар т1имил,мана гзаф -
Ажайиб тир суьгьуьрдин саф.
Чладавай шаирдин гаф
Ваз вахтунда акваз хьана.
Накьан югъ чаз тирт1а мич1и,
Къе чахъ амач крар пич1и,
Зурба хьанва камар гъвеч1и
Сулейман чахъ галаз хьана.
Сулейман чахъ галаз хьана
© Copyright: Нажмудин Шихнабиев 2, 2016
Свидетельство о публикации №116010706347
Свидетельство о публикации №116010706347
Рецензии