Зарафатдин мани-дуэт

ИТИМ-Гишин хьана хтанва зун куьчедай,
     Гъваша кван са хъсан т1уьн-хъун,чан къари.
     Гьекь акъатна хкведайла гуьнедай,
     Ацукьин кван суфрадихъ чун,чан къари.
ПАБ- Куьз ацукьна сагъ юкъуз вун куьчедал?
     Кар авачиз,ван ацалтна мягьледал.
     Ингье неъ ваз,авунва кач1=кач1 хап1а,
     Хъине жуваз семенани т1ач пака.
ИТИМ-Зун гьахьтин зат1ар т1уьр итим яни?
     Тахьайт1а вуча,зун ваз етим яни?
     Леп1 тавуна гъваша кван са туьк1вей т1уьн.
     Кутугнавач ваз и жуьре итим хуьн.
ПАБ- Килига кван гьик1 хъсан рахазват1а?
     Ваз ви крар вуч хъсан аквазват1а?
     Гьикьван вахт я баят хьана ви къуллугъ?
     Шумуд варз я к1вализ тагъана дуллух?
ИТИМ-Акъваз я паб,алахьмир т1ун вун михьиз.
     Кач1-кач1 хап1а к1ан туш эсиллагь рик1из.
     Жечни са к1ус вун хьайит1а культурна?
     Мут1лакь жемир,це ман са к1ус дулдурма.
ПАБ-Сечме якни,дулдурмани гуда ваз.
    Мителжемни хъсан ашдин кьилелаз.
    Анжах тадиз вуна хъвадайд туба   (а)я 
    Тахьайт1а ваз къведайди гьа хап1а я1