Дуьньяд са пай ацахьайд хьиз,
Лап деринриз аватна.
Вири халкьдиз истеклу кас,
Чи арадай акъатна.
Буй-бухахдал,къуватдал вун,
Шарвилидиз ухшар тир.
Мелерани,шад межлисра,
Вун сугьбетрин уст1ар тир.
Мегер гьикьван рик1
Кьелеч1 яз хьанай ви?
Терс хабарди
Рик1ер михьиз канай чи.
Вишералди вуна акьул тербия гуз
Аялрикай итимар авуна.
Бес вучиз ик1 къенин юкъуз
Абур вири етимар авуна?
Физва рик1яй гьамиша зи
Лап дерин тир хиялар.
Рекьидач вун,сад амай кьван,
Вуна тарс гай аялар.
Чи Куьредин тарихда на,
Виш йисара ви михьи тир т1вар туна!
Садавайни инкар тежер
Берекатлу,дамахдай крар туна!
2006год
Чергесоваз
© Copyright: Курбансмяли Пирвелиев, 2016
Свидетельство о публикации №116010507408
Свидетельство о публикации №116010507408
Рецензии