Бута хуьр

Диде,буба хкягъ жедач баладвай.
Ч1имел хьайла хъел жедани гьавадвай?
Вун гьич къуриз жеч зи рик1из чарадвай.
Бес вун диде Ватан тушни,Бута хуьр?

Чара ксар ц1игел я вин багъларихъ,
Сан авачир мегъуьн,пипин тамарихъ.
Заз багьа я ви кьар авай куьчеяр,
Аял ч1авуз ц1ар илит1ай мизреяр.

Акур ксар кьару я ви булахрихъ.
Чуьллерихъ ви акъвазнавай дамахдив.
Заз багьади-зи бубайрин сурар я.
Хайи хуьр хуьн-чи,рухвайрин гьунар я.

Шагьвар къугъваз "СЕНГЕРД" синер,"БЕЛГЕНАР".
Гьайиф,амач ви ник1ера куьтенар.
Ят1ани заз,хайи хуьр,вун багьа я.
Рушаринни рухвайрин вун гьава я.

Ви сергьятар гзаф ч1ехиз,зурба туш.
Яргъа(а)ват1ан зун вахъ галаз туба туш.
Кьакьан синер,"Регъвер" к1амни,"Кьуру" к1ам.
Гьа им я зи гъвеч1и Ватан-дувул,дам.

Шумуд несил ви чилерал къекъвена.
Хтанач хьи гьич сад кьванни элкъвена.
Яргъал-мукьвал зунни фида вун туна.
Къвезмайбурун виждандик муд кутуна.

Зун чалишмиш хьайиди я гьамиша.
Хуьз чи кьведан т1варарин дережа.
Эгер са квел хьанат1а зун ягъалмиш.
Мад вучида?Ая заз багъишламиш.

Зи мурад я ви гележег хъсан хьун.
Гьар баладиз вун диде хьиз масан хьун.
Къуй гьар к1валин гурмагъдани гум хьурай!
Гатфар кьиляй чубарукдин муг хьурай!

            25.03.2007год