Шенбид булах лишан я зи Ватандин.
Адан миже дарман тушни инсанриз?
Виш йисара вуна къуват гана чаз.
Шенбид булах,гила субут хьана заз.
ПРИПЕВ
Шенбид булах,Шенбид булах,
Экуь михьи гуьзгуьд булах.
Шенбид булах,Шенбид булах,
Ийизва за валди дамах!
Кьилел ч1ехи мегъуьн тамар,"Кьелекьар"
К1енихъ гуьзел чуьллер,багълар,къишлахар.
Бута хуьруьн аваданвал валди я.
Шенбид булах,бес ви гьунар нелди я?
ПРИПЕВ
Шенбид булах,Шенбид булах,
Экуь михьи гуьзгуьд булах.
Шенбид булах,Шенбид булах,
Ийизва за валди дамах!
Чи бубайри ганай ч1ехи къимет ваз.
Гунгараваз вун еридиз хкана.
Рухайрини ийизвачни гьуьрмет ваз?
Гила "ШЕНБИ" гьар са к1вализ атана.
ПРИПЕВ
Шенбид булах,Шенбид булах,
Экуь михьи гуьзгуьд булах.
Шенбид булах,Шенбид булах,
Ийизва за валди дамах!
Март 2007год
Шенбид булах
© Copyright: Курбансмяли Пирвелиев, 2016
Свидетельство о публикации №116010506406
Свидетельство о публикации №116010506406
Рецензии