Залумар къвез вахъ ви кlвале кикlизва,
Югъ-къандивай зи халкь дарда акlизва.
Хайи чилел кlвал-югъ тежез, муг тежез,
Хуьрер гадриз дуьнья тирвал чкlизва.
Умуд кутаз бегьер тагур къавахрик,
Чи мецери зиянкарриз чуькьзамач.
Кас амачир чи чlурарик, яйлахрик,
Кьеж куматlан, виликдай хьиз цуькзамач.
Ктканатlа чlуру тlул чи хесетрик?-
Бадейри хьиз, кьурай хват квай чуькзамач.
Акатна къал рикlер хци кlеретlрик-
Бубад чилел жувандан кьил тикзамач.
Пак чlал ама гена халкьдин мецерал,
Чlалан къадир авач анжах ахмакьдиз.
Душманд вилик акъваздач гьич метlерал,
Сух жеда чlал, элкъвена чи яракьдиз.
Хуьзватlа югъ вилив элди масандиз,
Хкаж хьана цавун аршдиз кьакьандиз,
Гьинватlaни, гьар са пипlяй дуьньядин,
Лекьер хьана лув гудай чи макандиз?
ЧкIизва чун
© Copyright: Вадим Адилов, 2016
Свидетельство о публикации №116010401122
Свидетельство о публикации №116010401122
Рецензии
Вучда чан дуст, лекьер амач муквара,
К1валер Лезги - майдан хьанва пехъериз.
Эй лезгияр, жемир залан ахвара,
Цуьквер хьухь чи кьуру жезвай чуьлериз,
Эквер хьухь чи Лезгистандин чилериз.
Сулейман Ахтынский 11.01.2016 00:22 • Заявить о нарушении
К1валер Лезги - майдан хьанва пехъериз.
Эй лезгияр, жемир залан ахвара,
Цуьквер хьухь чи кьуру жезвай чуьлериз,
Эквер хьухь чи Лезгистандин чилериз.
Сулейман Ахтынский 11.01.2016 00:22 • Заявить о нарушении