Ц1ийи йисан живеди
Шадарна чин гуьгьуьлар
Вичихъ галаз къугъуриз
Тухвана чин жегьилар.
Садав гьелер ,садав кьам
Физ авахьна гуьнедай
Къати хьунвай къайи гар
Ванер къвезвай хъуьредай.
Ц1ийи йис я алакьдай
Тваз аялар суьгьуьрда
Ц1алц1ам рекьер живедкай
Чин аялри туьк1уьрда.
Аяз-буба къведайла
Регьят хьурай лагьана, Рекьиз къумни хъивегьна.
Хтулди пер къачуна
Зин савкьатар хукваш фад
Акъата вун атана.
Физ килигиз дак1ардай
Рик1ивай хъвер авуна.
Сабурлувал хуьз дахьай
Аяз-буба вилив хуьз
Ацукьнавай столдал
Аял фена ахвариз.
Йифиз атай Аязди
Адан чиниз килигна
Вичи гъайи савкьатар
Елкадин к1еник эцигна.
Ц1ийи йисуз!
© Copyright: Гулья Мисриханова, 2015
Свидетельство о публикации №115123100575
Свидетельство о публикации №115123100575
Рецензии