Абукевсердиз

 
                "Абукевсер" Кьурагь районда Гьуьсейн Рамазанован рагьбервилик кваз тешкилнавай зарийрин к1ват1ал.

Агалкьунрин къелет я жал ?
Ван хквезмач таниш сесер.
Заманадин зиллет я жал,
Зайиф хьанва "Абукевсер "

Абу Гьуьсен-тешкилатчи.
Гьам зари,гьам ихтилатчи.
Мажарайрихъ амач кесер,
Кьуьзуь хьанва Гъазай-авчи.

Хуьрехуьрви шаир Магьсуб-
Дагъдин къаяб,зурба к1алуб.
Ам парзадал хьанва серсер
Акъатайла сифте улуб.

Гъиле аваз "маша ифей"
Зарафатдин ч|алар кхьей.
Куьч хьанани Кьурагь Гьезер,
Камалдин хьиз Рутулаз фей.

Сиражутдин,Ашар-Буба,
Устадар я кьведни зурба.
Теклифа чаз,куьз я бягьсер,
Шииратдин дадлу хап|а.

Ви ч|ал адаз хьанач къалум,
Мад чилин циф жезва малум.
Тесниф ая ц1ийи эсер,
Гагьул жемир Айнархалум.

Фат|има вах- гиярви руш,
Яратмиша,куьз хьанва буш,
Ви поэма "Квардал Кевсер"
Теснифарин яни кук|уш ?

Ялтах ц|арар тахьурай квехъ.
Ягъ ч|аларал девирди хъвехъ.
Къурбанд авур халкьдиз вилер
Давамара Саидан рехъ.

  2009 й