Я з табой размаўляю праз вершы.
праз кожнае асобнае слова,
абранае мной з дакладным зместам,
я кажу столькі слоў,
колькі б хапіла для напісання
далёка не аднаго томіка вершаў.
і нават не дзесяці.
Я дару табе не проста словы,
а шпацары пад неадкрытымі,
толькі для нас створанымі, планетамі.
дару табе столькі зорак,
колькі трэба для шчырай усмешкі
і столькі знічак,
колькі трэба для стварэння цуда.
дару галактыкі,
дзе існуе больш сусветаў,
ніж ва ўсіх кнігах за ўсе часы.
Ды што гэты космас у параўнанні
з душою паэзіі?
-
-
-
Ты жывеш там, дзе сонца з месяцам
ніколі не сустракаецца,
надвор'е залежыць ад клімату,
а спатканнямі акрасляюць растанні.
і не ведаеш,
якое незвычайнае тваё жыццё.
бо не спяшаешся прачытаць мае вершы.
незразумелае. нават мне
© Copyright: Аляксандра Фагот, 2015
Свидетельство о публикации №115123003026
Свидетельство о публикации №115123003026
Рецензии
Аляксандра! Кланяюся Вам за цудоўныя, напоўненыя жыццём і неабыякавасцю вершы, за чыстую родную мову! Рада сустрэчы з сапраўдным словам!
Клавдия Семеновна 06.02.2016 11:28 • Заявить о нарушении
Клавдия Семеновна 06.02.2016 11:28 • Заявить о нарушении
Дзякуй Вам вялікі за тое, што пачыталі і выказалі такія словы. Вялікі.
Паспрабую не расчароўваць і найдалей.
Аляксандра Фагот 13.02.2016 07:10 Заявить о нарушении
Паспрабую не расчароўваць і найдалей.
Аляксандра Фагот 13.02.2016 07:10 Заявить о нарушении