Свая хата

                А і свеціць сонца,
                То не сагрэе:
                Позняй восенню бясконца
                Ветру злога павевы.
                Доўгую прагулку
                Не хочацца рабіць,
                І неяк няўтульна
                Тугой душу церабіць.
                Сесці б хутчэй
                На дыване з кніжкай
                І не здымацьз яе вачэй,
                А голад духоўны - лыжкай!
                І радавацца ціха,
                Што свая ёсць хата,
                Хоць даймае часта ліха,
                Бо ў ёй халаднавата.
                На ўзгорку стаіць хата,
                На ім бярозы старыя
                Нікнуць вінавата,
                Сцішана-глухія.
                Прысыпала лісце
                Старую прызбу,
                Паўзун-мох нізка
                Шукае выйсця.
                Не сквірчаць аладкі
                У пустой хаце,
                І не едуць нашчадкі,
                Не танчаць на свяце.
                Імкнецца ж маладое
                У макракосма прастор,
                Дзе жыццё другое
                І другі прастор.
                Самалётам ім ляцець
                Ды ў Закарпацце,
                А мне - свая хата-клець
                І памяць пра маці,
                Як пахла сырадоем,
                Як мыкала карова,
                А цяпер час новы
                Інтэрнэт нам дора.
                Спешна грукае ў дзверы,
                Выклікае ў дарогу.
                Ці стане мне веры
                Адолець парогі?
                К новаму бо часу
                Душой прыляпіцца
                Не магу адразу,
                Бо старое сніцца.
                Але ж вясельны картэж
                У дванаццаць машын,
                Сум-тугу ты абрэж
                І радасць мне скінь.
                Павяжы яе на плячо,
                Як вясельнаму свату,
                Ды мне сум нішто,
                Бо маю сваю хату.
                Змоладу ішла за парог,
                Ды прама ў космас,
                І ніхто не перасцярог,
                Што космас той злосны.
                Не знайшла атмасферы
                У космасе тым ядавітым,
                Ды не давайце мне веры,
                Бо хлушу я спрытна!
                Былі і свае перуны,
                Што метал душы коўкі
                Узрывалі без віны
                І скрэблі яе грунтоўку.
                Заносілі шорхлае лісце
                У блакітныя вочы,
                А як вецер свісне,
                Дык крок укарочвай,
                Бо не хочаш,а ляціш,
                Як п'яны,у канаву.
                І крычаў шафёр:кыш
                З дарогі ты,раз-з-зява!
                У макракосме па радні
                Калі ж засумую,
                Бо карані ж ураслі
                Ў радзіму малую,
                Дык ляту-паляту
                Нейкай каметай,
                Хоць хвастом няўдалым
                Абаўю паўсвета.            
                У хаце адной
                Сябрам вершы чытаю,
                А ў другой -
                Малым дала па караваю.
                У трэцюю зайду-забягу,
                Заблукаю да незнаёмых,
                Дык кажуць:як на бяду,
                Бач,няма нас дома.
                А Бог кажа:запалю
                Іскрынак зорны россып,
                Птушцы шэрай,салаўю,
                Спяваць без зор няпроста.
                І ты ўжо здарожылася,
                Бач,сівая галава...
                Жыцця дарога доўжылася
                І не час,і не два.
                Паслухала Бога,
                Але мне не верце,
                Бо не слухаюць яго
                Да самай смерці!
                Быццам і не лятала
                Па свеце ў госці,
                Ды з кім не бывала,
                Як кажуць,па маладосці.
                Сонца ў чырвоных ботах
                Над хатай вунь узыходзіць,
                І месяц срэбным вокам
                Таемна так паводзіць.
                Эх,маладой была птушкай,
                А цяпер і хаты досыць.
                Яна малой мяне гушкала -
                Не кіне і дарослай.