Мордовские частушки

Ой, спасибо, что тергимизь,
Ой, спасибо, что мон сынь,
Мон эсь прям тыенк невтия,
Да ламо народ неян.

Саранскойсэ мон чачинь,
Саранскойсэ мон касынь,
А кода лисинь мирдеень,
Шенталасо мон эринь.

Сергиевскойсэ мон эрян,
Сергиевскойсэ мон эрян,
Ули минек клубмок "Лира"
Тосо стишокт сермадан.

Авай вачтака вальмава
Верепестэ церат сы,
Соньсь рудазов кормолавов,
Кавто зепсэ репст канды.

Мон а молян пелевене,
Баняв орожиямо,
Лучше молян чексне клубов,
Постановкань ваномо.

Ой, авакай кулан, кулан.
Сыреневой цветка потс,
Если кулы монь залеткам,
Илинк валя мода потс.

Ой, авакай горясь, горясь,
Скамун удомс якшамо,
Скоре авай урьвакстумак,
Кузян трубант яжамо.

Верепестэ алопев
Чаво боцька гевери,
Каждой налгов цераень,
Мазы тейтерь эряви.

Ой, монь ялгам Варька баба,
Да еще ялгам Андрей,
Варька бабань вейке сельме,
Андрей лялянь вейке пей.

Иля яка пирева,
Иля чалксе росадат.
Иля вечке монь залеткан.
Иля тее досадат.