Варз уях хьанва. Шегьердава къал,
Яргъара гугрумиз, эквериз чIун-чIун,
Ина гьикI секин я, ана деливал,
Ана гьа ванзава - амма тек я чун.
Амма и гуьруьшдин цIаяр, ялавар
Эбеди пак ялав тиртIа са хъсан,
ИкI фидай тушир чи рахунар, гафар,
МасакIа жуьреда акъатдай ви ван.
Азабар гьелени ама жал яраб,
Ва бахтар алатна амукьдани гел?
Чна и гуьруьшда, байихар татаб,
Перишан «багъиша» хкизва рикIел...
А. Блок. К. М. С
© Copyright: Билал Адилов, 2015
Свидетельство о публикации №115120309929
Свидетельство о публикации №115120309929
Рецензии