Вун залай вуч яман яргъа ава къе,
Кхьиз ашкъидикай гьикьван дерин тир,
Гъамар-гъижрандикай, ахвар авачир,
Кхьизва зани ваз вири и рекье.
Агь,чаз ванер къезва фад-фад икI лугьуз,
Хуьз жедач хушбахтвал гьижран галачир.
Чаравал тахьайтIа расал жедачир,
Амукьдай гьуьжетри, къалмакъалри куз.
Гьелбетда, гьахъ ятIа белкини икI хьун,
Ва вучиз ятIани, чидач заз вучиз,
Канда заз, виридан хъиляй акси физ,
Лугьун ваз: -Алахъин, чара тежен чун!
АкI жезва, акьада вун зи гъавурда:
Къуьн къуьне аватIа, гъам, мекь жедани?
Хъилер гьатайтIани лап чи арада,
Чаравал мад пис я, гьик хьайитIани!
Э. Асадов. Ты далеко сегодня от меня
© Copyright: Билал Адилов, 2015
Свидетельство о публикации №115113010781
Свидетельство о публикации №115113010781
Рецензии