Талачынскія абсягі,
Ля Халопкавіч лужкі...
Як магнітам мяне цягне
Ў сэрцу родныя куткі.
Бацька тут мяне пасеяў,
Я ж, як топаль, хутка ўзрос,
Сваё прозвішча – Пасееў,
На знаёмства ў свет панёс.
Шмат дарог прайшоў, праехаў,
Па чужой зямлі блукаў,
Ды такіх я, нават, рэхам
Не пачуў, не сустракаў.
Мне забыць вас немагчыма,
Шапаценне каласоў,
Талачыншчыны – радзімы,
Квецень траў, красу лясоў!
Я жадаю каб квітнела
Ты, староначка мая,
Каб жыла і шчасце мела
Беларусь - мая зямля!
Староначка мая
© Copyright: Николай Пасеев, 2015
Свидетельство о публикации №115112509200
Свидетельство о публикации №115112509200
Рецензии