И. Бунин
Къвал-къвалаваз физвай
Къвал-къвалаваз физвай, амма вавай заз
Килигиз жезвачир кичIе тахьана,
Ибнедин и йикъан гарара акьаз,
Чи ичIи рахунар, ихтилат квахьна.
Цифер къаярилай лап лацу хьанвай,
СтIал авахьзавай багъдин къенериз,
Ви иер хъуьхъверин рангар атIанвай,
Ва вилер вили тир, саки цуьквер хьиз.
Бегьем ахъа тушир а ви пIузарриз,
СакIани килигиз жезвачир завай,
Ва гьикьван ичIи тир, са бахтавар хьиз,
Аламатдин алем, чун къвал къвалавай.
И. Бунин. Мы рядом шли
© Copyright: Билал Адилов, 2015
Свидетельство о публикации №115112509089
Свидетельство о публикации №115112509089
Рецензии