Рагъ акIидай чIавуз хьанай чун расал.
Кьусудив яд патахъ ийизвай вуна.
Заз пара кани тир ви лацу партал,
Мурадрин харувал къайи авуна.
Къариба расалар тир ван галачир.
Къумадин киферал, вилик патавай,
Нянин чIавара шемер кузвай тир.
Сад иервиликай хиялиз авай.
Патав хьун, мукьва хьун, ялав хьана кун,
Кьабулдач чкади вили ранг алай,
Нянин цифедив расал хьанай чун,
Кьере, нацIар, кьезил лепеяр авай.
Гъамарни, ашкъини гьам рикI тарунар,
Вири зайиф хьана, фена акъатна…
Лацу беден, ванер, рикIел хкунар,
Ви кьусу луьткедин, цIар-цIар алатна.
А. Блок. Мы встречались с тобой на закате
© Copyright: Билал Адилов, 2015
Свидетельство о публикации №115112310141
Свидетельство о публикации №115112310141
Рецензии