За яргъал чIавал
Велосипед гьалда.
Ам акъвазарда чIура яргъавай.
Цуьквер атIуда.
Ва кIунчIар гуда
А рушаз, заз вуч акьван канзавай.
Лугьуда адаз:
-Масадахъ галаз
РикIяй акъудна на расалар чи,
Зи хатур тахаз,
Ша, къачу вуна
И цуьквер гъвечIи!-
Ада къачуда.
Геже гьатайла
Циферни гъамар хьайила къалин,
Ахпа хъфида,
Агъузна вилер,
Сивик квачиз хъвер,
Хьурай, мад вучин.
За яргъал чIавал,
Велосипед гьалда.
Ам акъвазарда чIура яргъавай.
Са затI заз канда,
Зи кIунчI къачурай
А руша, заз вуч, акьван канзавай...
Н. Рубцов. Букет
© Copyright: Билал Адилов, 2015
Свидетельство о публикации №115112206677
Свидетельство о публикации №115112206677
Рецензии