Лацудик аквазва ялгъуз са елкен,
Цифеди кьунавай вили маканда!..
Квехъ экъвезва ам яргъал улькведа?
Вуч туна атанва хайи ватанда?..
Лепеяр къугъвазва гару уьфт ягъаз,
Тарч какур жезва нагьахъан ваниз…
Гьайиф, ам къекъвезвач бахтаварвал кьаз,
Ва бахт таз катзавач ам гьиниз-гьаниз!
Адан кIаник гала яд, экв гуз вилиз,
Винелла къизил нур, ракъинин гьава…
Анжах ам секин туш, тIурфан тIалабиз,
Саки и тIурфанра секинвал ава…
М. Лермонтов. Парус
© Copyright: Билал Адилов, 2015
Свидетельство о публикации №115111911203
Свидетельство о публикации №115111911203
Рецензии