А. Пушкин. Признание

Хиве кьун

Вун кIанда заз кIевиз- ятIани жаза,
ЯтIани регъуьвал, зегьмет гьаваян,
Бедбахт кIамашвиле  гуналди баян,
Ви кIвачерин кIаник хиве кьазва за.
Заз гьич  лайих кар туш, яшдиз кутугай,
ЧIав я, чIав я гила, акьулар къведай!       
Аквазва амма заз  и лишанрилай,
Руьгьдава ашкъидин начагъвилин цIай:
Вун галач – сефил я, зиди - дарих хьун,
Патав гва - пашман я, зун эхиз ава.
Къуват авач амма, мурад я лугьун,    
Эй зи мелек,чир хуьхь, заз вун кIанзава!
Агакьай чIавара зав тавханадай,               
Ви яваш камарин я пекерин ван,
Яни ви пак гафар, миливал гъидай,
Бирдан квадарзава за акьул жуван.
Вун хъуьредай чIавуз -шад я руьгь къугъваз,      
Вуна  чин элкъуьрда - кьада зун тIалди,
Гьар йикъан азабдин пишкешар я заз,      
Ви рангар атIанвай гъил зун паталди.
Нехиш ядай  тарциз къужах ахъайна,
Ацукьай чIавуз вун лап агъуз хьана,
Вилер, бурма чIарар гьикI авадариз,          
Зун рикIин хушвилив  милидиз кисна,
Килигиз жеда ваз лап аялди хьиз!..         
Жуван бедбахтвилер за лугьудани,
Зи шак гъунин къалар, зи перишанвал,
Экъвез фин паталди лап чIимелдизни,
Рекье гьатдай чIавуз вун залай яргъал? 
Ви а мили накъвар, ракъурай текдиз,
Са пипIе акъвазна кьве касдин рахун,            
Садни  сиягьатар ви Опучкадиз,
Фортепяно ягъун нянин чIавун?..
Алина! Ваз язух атурай жизви,
ТIалабун четин я  вавай кIанивал.
Белки алайвиляй пара гунагь зал,
Эй мелек, лайих туш, зун ашкъидиз ви!
Кьасар мийир вуна! ИкI килигуна       
Ава лугьуз жедай, вуч кIандатIани!         
Гьелбет,зун алцурун четин туштIани,
Хиве кьан,  шад я зун , икI алцур хьунал!