Багъишламиш, азиз зи дуст,
Чан алачир туш зун аюх.
Аманат яз хуьзвай намус,
Гьайиф тушни ийиз ачух?
Гекъигнай на зун жейрандив,
Анжах за ийизва минет:
Ац1урмир на зун деврандив,
Зи рик1изни це на къимет.
Т1еамлу ич , хьанвай дигмиш,
Анжах тарцин яргъава хел.
Темягь физва ийиз дадмиш,
Аватдач ам чиркин чилел.
Амал течир к1ел я михьи ,
Ч1улавмир вуна зи иман.
Фикирдай кьван жезва рехи
Вахт тахьанмаз жегьил жаван.
Ч1улавмир иман
© Copyright: Джульета Ризаева, 2015
Свидетельство о публикации №115111609178
Свидетельство о публикации №115111609178
Рецензии