Зи рик1елай алудиз циф,
Вакай хьанай къати гар.
Варз алачир мич1и йиф
Гьик1 акъудда, азиз яр?
Нагъв ракъурдач зи вилелай,
Аманат яз хуьзва на зун.
Ч1ар юзадач зи кьилелай,
Зи далудихъ даях яз вун.
Яхъ, азизди гъиле ч1агъан
Акатдайвал зи к1вачик звер.
Ви авазрив ац1анва чан,
Сивел къвезва зи мили хъвер.
За кьуьлуьнал хкажна гьевес,
Кутада илгьамдин лувар.
Гьар йикъан вун я зи нефес,
Умуьр вун галаз я сувар.
Ви бедендин атирди мад
Твазва зи руьгь суьгуьрда.
Вун я ширин, заз авай сад,
Зи хан, пачагь зи уьмуьрда.
Аманат яз хуьзва на зун
© Copyright: Джульета Ризаева, 2015
Свидетельство о публикации №115111609136
Свидетельство о публикации №115111609136
Рецензии