Т1арнай зи рик1 гафари ви,
Къене ргаз, зи кузвай иви.
Суьгуьрчидин ч1улав вилер,
Зи чанда тур къати дердер.
Уьмьрдикай ат1ана вил,
Ви гъиляй акъатайла гъил.
Зи намусни, зи михьивал,
Зи муьгуьббат, зи к1анивал
Вири хуьда, зи яр за ваз,
Хуьда рик1е, аманат яз.
Муьгьуьббатдиз хьанач жаваб,
Кана зун, авуна кабаб.
Квез я дуьнья, ракъинин нур,
Умуьрда гьич са югъ такур?
Квез я дунья бахт тагайла,
К1ани яр кьисмет тахьайла?
Жаваб авачир мугьуьббат
© Copyright: Джульета Ризаева, 2015
Свидетельство о публикации №115111609000
Свидетельство о публикации №115111609000
Рецензии