Дидед мет1ел, аял яз зун,
Акъатначни чандай зурзун?
Вацран экуь шад нурари
Дугурзава мад ахвариз.
Ви гьар са гаф я заз къизил,
Ч1угур зегьмет - чилин мензил.
Тахьуй, диде, вун гьижранда,
Сабурдиз ви за икрамда.
Гьайиф, диде, чун къакъатиз,
Зи кьилелай вун алатиз.
Низ ахъайда мад за сирер,
Ни михьда зи кьежей вилер?
***
© Copyright: Джульета Ризаева, 2015
Свидетельство о публикации №115111608931
Свидетельство о публикации №115111608931
Рецензии