Садавайни вун зи рик1яй
Акъуд жедач ,яр зи ширин.
Т1имил тушиз фикир кьиляй,
Муьгьуьббат я зи лап дерин.
Гилани вав гума зи рик1,
Анжах на вун багъишна низ?
И агьвалдик акатнай гьик1?
Ахъаймир гъил, яр зи азиз.
Сагъ дуьнья чаз хьанва акси,
Гьич рик1икай тушиз аян.
Зи гафар ваз хьурай веси,
Мич1и мийир жуван иман.
Рик1е кьунва чка мягькем,
Тек вун я зи чандин пачагь!
Ви далудихъ я зун уьтквем,
Валди, яр, зун хьанва начагъ!
Яр, зун хьанва начагъ
© Copyright: Джульета Ризаева, 2015
Свидетельство о публикации №115111608910
Свидетельство о публикации №115111608910
Рецензии