Къатканва кас, пис яз гьалар,
Вилерилай физва накъвар.
Месел алаз йис я шумуд,
Амач вичихъ гьич са умуд.
Садазни гьич амач герек,
Авач юлдаш гудай куьмек.
Сагъ дуьньяда я ам есир,
Бес кесибдин вуч тир тахсир?
Авайла сагъ чанни девлет,
Ийидай вирида гьуьрмет.
Авач гила недай фан кьас,
Са истик1ан яд гъидай кас.
Эхир нефес жезва кесиб,
Амач хьи бейгьалдаз несиб.
Эй, дуьнья, вун гьахъ яни бес,
Куьз акъуддач гила на сес?
Девлетринни къведа эхир,
Инсафсуздаз жедач къадир.
И дуьньядин гьалар акваз,
Кузва хьи рик1, иви ргаз.
Гьахъсузвал
© Copyright: Джульета Ризаева, 2015
Свидетельство о публикации №115111608879
Свидетельство о публикации №115111608879
Рецензии