Ашкъиди, умудди, тIвар-ван акъатна
Алцурна харудик, са тIимил кьван чун,
Жегьилвилин крар фена алатна,
Ахвар хьиз, са циф хьиз экуьнин чIавун.
Амма мурад ама чанда ацIана,
Гьукуматди гузвай азабдин кIаник,
Руьгьдин михьивилив сабур атIана,
Ватандиз къуллугъиз гьазур я чун гьикI.
Чна гуьзетзава физ азаб рикIиз,
Кани тир легьзеяр, пак азадвилин,
Жегьил ашукь касди лап гуьзетдай хьиз,
Байихрин легьзеяр, садикь гуьруьшдин.
Амай кьван чи къене азадвал кана,
РикIера амай кьван намусдин къастар,
Эй зи дуст, ватандиз бахшда чна
Руьгьдавай лап хъсан, иер ниятар.
Эй юлдаш, чIалахъ хьухь, амни акъатда,
А гъедни, са иер бахтаварвилин,
Урусат ахварай эхир аватда,
Амукьдач зулумат и гьукуматдин,
ЧкIанвай кIусара чи тIварар гьатда!
А. Пушкин. К Чаадаеву
© Copyright: Билал Адилов, 2015
Свидетельство о публикации №115111311261
Свидетельство о публикации №115111311261
Рецензии