БIарахьеж со хьона, доттагI,
Хьа бIаргашка хоалуш се.
Хеталу ер дуне готтагI,
Доацаш мо кхы хIама зе.
Уйла хьувз са дег чу, доттагI.
ГIерт из ала лотабе.
Цо хьееча молха цIерах
Зехьа вагар кхер со се.
Раьза ва со хьона, доттагI,
Вахар деррига дIале.
Амма, лов-кха сона дукхагI
Хьоца дуне дуаш Iе.
Шек ма хила сох хьо, доттагI –
Лакха хургья вай сийле.
Сона яза йолча цIерех
Хьа цIи хургья даимле.
БIарахьеж со хьона, доттагI,
Хьа бIаргашка хоалуш се…
3I.I0.I5.
БIарахьеж со хьона, доттагI
© Copyright: Аслан Куазо Ингушетия, 2015
Свидетельство о публикации №115110105124
Свидетельство о публикации №115110105124
Рецензии