Канзавани, я ваъ, асан я заз икI:
Умуд квач, тахьурай зун ваз садрани,
Амма аквазва заз миливилер гьикI,
Ви вилера, саки, зун я ваз кани.
Вун захъ галаз жедач азабри кьуна,
Алатна фида зун, хъен хьиз циферин,
Амма зун рикIелай алуддач вуна,
Яргъарай гьисда на мад зи эверун.
Ахварай акуна тийижир шадвал,
Ахварай чизвай чаз, ахвар я им хуш…
ЯтIани, верцивал ава вун патал,
Ина азаб галай карда: зун - ам туш.
Д. Мережквоский. Люблю иль нет...
© Copyright: Билал Адилов, 2015
Свидетельство о публикации №115110110713
Свидетельство о публикации №115110110713
Рецензии