Квекай я ви мани, кьефесдавай къуш?
Белки чилдин къенез аватуникай?
Муг туькIуьруникай, жуван рикIиз хуш?
Белки дустунивай къакъатуникай?
ТахьайтIа, хьуникай эвел бахтавар,
Жуван хайи муква авай чIаварa?
ТахьайтIа гьикI вуна тIветIер кьуникай,
Ва абур балайриз гьикI тухуникай?
Я азадвиликай, я тамарикай,
Кьакьан тир, ваз кани, тик рагарикай,
Белки хиялзава чIурукай къацу,
Яни гьикI гегьенш тир, чуьлдикай лацу?
Залан я, паядал ацукьна адаз,
ДакIардай килигун рагъ къведай патаз.
Рагъ алай йикъара чуьхуьнарда на,
Манияр лугьуда, гьикI ван алатна,
РикIел хкизва на алатай чIавар,
Алудиз рикIелай жуван дерт-гъамар,
Тумариз сефилдик кIуф язва вуна,
Къанихдик, къарихдик яд хъвазва вуна.
В. Хлебников. Птичка в клетке
© Copyright: Билал Адилов, 2015
Свидетельство о публикации №115103011117
Свидетельство о публикации №115103011117
Рецензии