За вун вилив хвенай...вахт яваш физвай,
ЦIуру душманар хьиз, икрагьвал кIани…
Йифди зи хиялар вахъ галаз авай,
Камарин ван къвезвай са нин ятIани.
За вун вилив хвенай … экв алай, серин
Мили гьава авай зулун са югъ тир…
Иервал кьабулнай гъамарив дерин,
Хьана авахьзавай накъварин есир…
ЧIалахъ хьухь, йифни югъ, алахънава зун,
Ви патав хьун патал легьзе гъиликиз,
Акьул квадарнава- кIанзава икI вун…
Чи кьведан уьмуьр хьиз, хушбахт йикъар хьиз!
А. Апухтин. Я ждал тебя...
© Copyright: Билал Адилов, 2015
Свидетельство о публикации №115102811539
Свидетельство о публикации №115102811539
Рецензии