В. Латынин
В Гунибе на празднике Белых журавлей
РапIрапIиз аквазвай къацу сувари,
ЧIугна вичел зи руьгь, микьнатисди хьиз,
Ина хьаначтIани жегьил чIавариз,
АкъатначтIани зун дагъдин уьлкведиз.
Амма заз фад-фад гьикI аквазва ахвар
Йигин лув гуникай дурнайри цава.
Аквазва лацудик хуьрерин муквар,
Лекьерин ацукьун, къарагъун авай.
Ингье, цIалцIам кьуьлер дагъви таватрин...
Гьамни "Лезгинкади" гьикI гьевес гъана.
Акурла наз гунар къумрал къаматрин,
Четин я акъвазун, гьич кан тахьана.
КьатIана ван алай манияр, кьуьлер,
Са лекь хьиз гьисна жув, шад хьана зи рикI.
Хкягьна виликай зи хайи чуьллер,
Яргъара, яргъара луваррин кIаник.
Къвезва ина гьар затI зи рикIиз багьаз-
Дурнаяр-аскерар,гуьмбет,заз акур,
Шикил Гьамзатован,килигзавай заз,
Шииррив чун вири багърияр авур.
В. Латынин. В Гунибе на празднике Белых журавлей
© Copyright: Билал Адилов, 2015
Свидетельство о публикации №115102611905
Свидетельство о публикации №115102611905
Рецензии