А. Пушкин. Кавказ

       Къавкъаз
Къавкъаз залай кIаник. Зун са кьакьандин
Живедин винелла, тик рагал алай:
Лекьре, хкаж хьана яргъал кукIвалай,   
Лувар ахъайнава, вилик зи тандин.

Инай аквазва заз, арадал атун,
Сад лагьай уьцIуьнрин гьейбат квай юзун.
Ина цифер кIаник муьтуьгъ  жезва  заз,
Арадай чарчарар физва ван алаз.

Абурун кIаникпад кьецIил тик кьвалар,
Ана хьирхьам - кьелечI, кьуру я валар,
Ана - гъвечIи тамар, къацу я векьер,
Къушари цIив-цIивиз, катзава миргер.

Ана инсан ава, сувара мугиз,
Ва хипер къекъвезва кьвалин синера,
Чубан эвичIзава мили дугунриз,
Арагва катзавай серин ценера.

БалкIандаллай кесиб чуьнуьх хьанама,
Терек пехъиз, шад яз къугъвазвай кама.
Язва,ничхирди хьиз,къув са нефесда,
Акур, вичиз хас тIуьн ракьун къефесда.

Гьаваян гатазва мидявилив кьер,
Каш галай лепейрив гуз рагариз гъер…
Вуч файда! Авач тIям, авач са шадвал,
Чуькьуьзва хъел галаз, ам дагълари лал.
.