Д. Мережковксий. Признание

       Хиве кьун

Теселли гумир заз, амукьрай зи гъам,
Галукьар тавуна, чIехиз, чинеба.
Гагь гьайиф къведа чаз азадвилин тIям,
Амма ашкъидин цIиргъ атIуз эквеба.

КьатIузва, икI кан хьун виже къведач заз,
ИкI заз канзавай хьиз, лап дилидаз хьиз,
КичIе я заз,кьиникь саки гьелягь кьаз,
Чи винел къугъвазва, ван акъуд тийиз.

Амма  мадни кIевиз заз вун канзава,
Зун даим вун патал къайгъуда ава,-
Пара кIичевилив уьмуьр цузва за,
Ви руьгь жуван руьгьдик какадарзава.

Ва жедач заз уьмуьр гьич вун галачиз.
Пара затIар ганва, чна са-садаз,
Канда Халикьдивай лап  мергьамат хьиз,
Кан тахьун чирдайвал зи рикIиз ада.

Амма канивилиз нифретзавач за,
Уьмуьр, рекьин пайда за вахъ галазни,
Ваз чизвач заз гьикьван вун канзаватIа,
Белкини, хиве кьан, чизвач жувазни.

Амма рикI ацIанва, герек туш гафар,
Аста накъваривди алакьда чавай
Шехьин, масадбуруз ганвач байихар-
Ахъаюн, кьезилрун тIалар рикIевай.