Сенфиз ахвар акуна, дуст, рикl тlaр хьана къарагъна:
Чи Шагь-суван кукlушраллай муркlар, живер авагъна.
Кьулан вацlал чарх язавай луж-луж хьана лекьери-
А дуьньяда секин тахьай чи бубайрин руьгьери.
Лезги чилин мерд рухваяр тарих гъайи арадал-
Турни къалхан гъиле кьурбур вил тахьана чарадал,
Яраб тиртlа дидейри куьн женгер патал хайибур?
Пак ягъунра чанар гана сенгер патал кьейибур.
Шумудни са кьушунди квел,
муьтlуьгъриз кlанз, гьужумна?
Гьикьван иви селлер хьана хайи чили кужумна?
Ягьни намус вине кьур куьн чи накьвадин цlирер я!
Куь телеф хьай рагарни кваз эллер патал пlирер я!
Ахвар
© Copyright: Вадим Адилов, 2015
Свидетельство о публикации №115101603859
Свидетельство о публикации №115101603859
Рецензии
Чи жегьилриз Диде Ватан к!ан хьунал за гзаф шадвалзава. Вахъ агалкьунар хьуй Вадим!
Джарият Магомедова 05.11.2015 00:06 • Заявить о нарушении
Джарият Магомедова 05.11.2015 00:06 • Заявить о нарушении
Чан сагърай! Куь шиирар за кleлна.Гзаф дерин мана авайбур я. Заз хуш я куь лирика.
Вадим Адилов 05.11.2015 00:21 Заявить о нарушении
Вадим Адилов 05.11.2015 00:21 Заявить о нарушении