Хьо йоацаш мишта мог
Сона-м хац, ва гIалгIай йоI;
Мишта вус из наьна воI
Тохацалуш керчу дог?
Ца гуш гайча мишта Iа,
Сатем болаш дегIаца,
Дуне шийна даара,
Лаьтта-гIолла лелаш дIа?
Са-м ма дацар вахар ла,
Дуне аз ца даара,
Хьо ца хилча даггара
Сино хьеста массаза.
Хьо бахьанна ловз аз ког
Лаьтта-гIолла, гIалгIай йоI.
08.10.15.
ГIалгIай йоIага
© Copyright: Аслан Куазо Ингушетия, 2015
Свидетельство о публикации №115101600143
Свидетельство о публикации №115101600143
Рецензии