Прадам паэта

Сяброўскі шарж.)))

http://www.stihi.ru/2015/10/13/185

        Памажыце

        Махнач Сергей Юрьевсын

        Я паэт, і сабе не належу,
        Я павінен расці ў вышыню,
        Гатаваць вам духоўную ежу
        І захоўваць душы чысціню.
        Я павінен чытаць, развівацца,
        Папаўняць інтэлекту прабел.
        Хутка будзе мне двойчы па дваццаць –
        Патрапала жыцця карабель.
        Я хачу людзям радасць прыносіць,
        Я імкнуся здзіўляць, паражаць,
        Каб яны не сказалі мне "Досыць!
        З гэтай творчасці толькі паржаць!"
        Я хачу друкавацца, нарэшце…
        Можа, нешта не тое хачу?
        Вы не ганьце мяне, вы суцешце…
        Памажыце, сябры, Махначу!
        13.10.2015



         © Copyright: Махнач Сергей Юрьевсын, 2015


Дзеля рэкламы, дзеля асветы:
Каму паэта? Прадам паэта!
Такі бадзёры ён ды прыгожы!
Як яго клічуць? Махнач Сярожа.
Прабачце, панства, ня надта танна:
Паэт пяшчотны ды закаханы.
Паэт цікавы, не павярхоўны.
Адна загана- усцяж памяркоўны!
О! Можа зробім за гэна скідку?
Адна загана. А так нябрыдкі!
Даю аб,яву ва ўсе газэты:
Бяры паэта! Купляй паэта!