Чими йикъар чуьнуьхзавай
Вун атунал рази туш гад.
На къизилдин ранг ганавай
Т1ебиатдал гьик1 тежен шад.
Авахьдай кьван марфад ст1ал
Нефес къачуз хьанвай четин.
Шад тушт1ани са к1усни вал
Сабур,хуьзвай таму,вичин.
Дурнаярни лув гуз цавай
Катиз вахъай физва яргъаз.
амма зун вал лап рази я,
Гьерекат кваз фимир.акъваз!
Ашукь я вал гьик1 къакъатин
Гьич садрани ахквадач мад.
Къведай йисуз хъижедай зул
Ваз ухшар туш,ам я масад.
Регьят я заз вахъ галаз фин
Къизилдин ранг хуш я заз вин.
Вуна храй пешерин гам,
Хъуьтуьл я заз .вегьейла кам.
Уст1ар я вун серинардай
Гьаваярни югъ-къандавай
Кьежейт1ани вири дуьнья
Гад чими я ,зин чандавай.
Акъваз лагьай ванни текъвез
Гар хьиз фена акъатда вун
Багьна хьана зулун йикъар
Ярдин къвалав агатда зун.
Зул
© Copyright: Гулья Мисриханова, 2015
Свидетельство о публикации №115092809312
Свидетельство о публикации №115092809312
Рецензии
Лап иер гафар я!!!!!
Сагърай Вун, Гулья!!!!
Сельмина Курабекова 10.11.2015 10:16 • Заявить о нарушении
Сагърай Вун, Гулья!!!!
Сельмина Курабекова 10.11.2015 10:16 • Заявить о нарушении