Заз к1андай зулун береда,
Са мелекдиз элкъвена,
Рик1 секинриз зи дигеда -
Самурд чилел къекъвена.
Эцигна кьил дидед къуьнел_
Адан чим за гьисс ийин,
Хъвехъ мукьувна дидед хъуькъвел
Адаз мад чан-рик1 хъийин...
Лугьуз тахьай гафар ама
Дугъривиляй рик1е зи.
За лугьудай: "Вун я багьа,
Виридалай я верц1и"
Къе зини зул мукьвал хьанва -
Жив ц1велерик какатна.
Умудрикай садбур къанва:
Зун гъурбатдиз акъатна.
Яшарни зулун пешер хьиз
Гьар патахъ эк1ягънава.
Садбур иер я, цуьквер хьиз,
Садбрук ч1улав кягънава
Са легьзеда кьванни мелек
Мад гъвеч1и руш хьурай зун
Тахьайт1а хиялри рик1 терг
Ийизва, дустар, зулун.
Заз к1андай зулун береда...
© Copyright: Гасанова Гюзеля, 2015
Свидетельство о публикации №115092705542
Свидетельство о публикации №115092705542
Рецензии
Гьикьван иер кхьенва куьне ))). Агалкьунар хьуй !!!
Меджидова Ульяна Эльбрусовна 13.10.2015 17:38 • Заявить о нарушении
Меджидова Ульяна Эльбрусовна 13.10.2015 17:38 • Заявить о нарушении
....чухсагъул чан...рик1из к1ан хьайи кар я ман...шиирдалди кхьена....вун ви мурадрив агакьрай, чан
Гасанова Гюзеля 18.10.2015 14:30 Заявить о нарушении
Гасанова Гюзеля 18.10.2015 14:30 Заявить о нарушении
Сагърай, чан руш....вазни ч1ехи агалкьунар хьурай. За ви шиирарни к1елзава.
Гасанова Гюзеля 30.01.2016 10:10 Заявить о нарушении
Гасанова Гюзеля 30.01.2016 10:10 Заявить о нарушении