Ойланаш

Ойланаш,ойланаш... Сан г1ийла ойланаш...
Хьийза йо,елха йо,кийрара дог 1ийжа до.
Ойланаш,ойланаш...сан дагалецамаш.
Бераллехь кхерстайо,кийрара са ийза до.

Суьйренаш,Суьйренаш...Са геннара Суьйренаш...
Кхерч г1ийла,са б1аьрза,хир юй техьа парг1ата?!
Суьйренаш,суьйренаш....Хьайн т1аьхьара наь1 къовлуш,
Ма г1ийла юьту ахь боданехь саготта....

Набаро ята йой,б1аьрга нег1ар къар а дой,
Къоьжа дохк ва санна,сан кхетам тилабо...
Хьовза йой,айа йой....аьрхешка г1атта йой.
Мархашка йоккхе со назбарш т1е йижа йо..

Cан г1ийла ойланаш, Нохчичу юьгу со,
Бераллин урамехь,ког берзина кхеста йо..
Со кхи1на г1ишлош чохь цхтана соне ийза йо...
Хабийна,гулйина когаш т1е лах а еш..

Лоьху ас боданехь яйна сай бералла.
Сай Нена марзонна текха чохь лоьху чам...
Сан хьомсара лулахой дешица буьстина,
Кхачийначу дагна сай ас цаьргахь лоьху там.

Дуьненан харцоно,1адийна,к1адйина,
К1ожамах таръелла,цхьан  сона гулъелла,
Машанан чечакхах сайн доза дуьстина,
Со ехха ехира ойланах тасъелла...

1уьйренаш,1уьйренаш,чал буьрса 1уьйренаш,
Г1атта йо,айа йо,ког Ира х1оттайо.
Со йоккху хьаштанаш лелада бахьанаш,
Текхайе, айайе, г1ан санна лелайе....