Трибун

Къэзлэжь сомым куэд къонэцI –
Узыжэгъуэнщ зэманыр.
Къырым сыщитам чыцIыхъуэу
Си гу апхуэдэу зэщыуакъым.
Банкоматым ахъшэу къисхыр
Терминалым изолъхьэж.
Нэжьгъудыжьым чек къызетри –
Унэм пэщIу сыкъэсыж.
Банкоматым бакIэ «сефIеу»,
Терминалым уз естарэт –
ДэнэкIи и пэр хеIу а гъуамэм.
Си нэм башу ар къыщIеуэр.
Гуащэм фIыуэ сыкъылъагъуу
Сэ сиIащ зэман,
Терминалым и зэранкIэ,
Фыз богъуар си бийщ.
Куэд къызату ягугъэху
Си улахум хагъэщIащ,
Жьы хъуа си гум лъыр къыпыжу,
ЛIыр шэсыпIэм сыкъинащ.
ГъащIэм сыт къызимыпэсми
Сэ эгъэвыну си тхьэрыIуэщ,
Куэд къысхуащIэ гъащIэ дерсхэм
СщIэу тIыуащIэу Iущ сырэсхъур!
Дунейижьыр адэкIи губгъуэщ,
Сэ абы сыщефIэкIуэнщ,
Сэлъэдауэм «шыр» згъэхьэмкIэу,
Абы уардэуэ ситынщ.
Гугъуехь куэдым и сэбэпкIэ,
ГъащIэм жыру си псыхьащ.
Лейу къэралыр къызонахуэ,
ТIэкIу щIимычэм – щIэгъуэжынщ.
СССР-р щыщыIам сэ бзэмыIуу сыщытакъым,
Сыщихьа къэхъуащ трибунэ
Ныкъусэн гъащIэм хэлъхэр жысIэу.
Езым стхым сыкъеджэжами,
Сэ си псалъэм куэд чъэдаIуэрт,
Загуэр Тетым сызэхихри,
Сикъищтат и къэрэндащым.
КIэфи дахэу семыпщэфми
Ноби сэ сы Бубэщ
Губжьуу сиIэр зэу къыскIутым,
Зыхуэхъун гъунэжщ нэщIэбжьэ.
                2015 гъ.