Бес я, залум, акъваз, кlвалин тамада,
Хъвана шуьше гьикьван хьуй вун тlамада?
Жеда лугьуз-"ислен къалай гадарда",
Ара атlуз хизан вуна шадарда.
Рюмкаяр на ви туьтуьниз вегьида,
Зурар гуз на, сес лагьайтla, векъида.
Ацалтна ван, зегьле тухуз рахада,
Хатурни кваз ви аялрин на хада.
Марфадик ви кьве кlвач жеда кьарада,
Галтад жез вун мад жемятдин арада
Са кам вилик, кьве кам кьулухъ къекъведа,
Паб ви шехьиз регъуьвили чуькьведа.
-Хъун тавуртla, чан къари, зун рекьида,
Жеда лугьуз-"эхи(з) жезвач, мекьида,
Агъзур багьна, валлагь, ваз дуст, жагъида,
Мад са шуьше къе туьквендай на гъида.
Ичкидиз лукl хьайитla, вун тек жеда,
Тапарар туш, гафар зи керчек жеда.
Кимел вакай кlвачер михьдай пек жеда,
Папан вилик къимет кьве кепек жеда.
Ичкибаз
© Copyright: Вадим Адилов, 2015
Свидетельство о публикации №115091202736
Свидетельство о публикации №115091202736
Рецензии