Са югъ къведа- зи лезги халкь сад жеда,
Ватан патал гьар садакай вад жеда,
Шарвилид тур лигимардай чад жеда,
Макьсад патал кьегьалар чахъ мад жеда.
Къавкъазда мад лекь тайифад* ад жеда,
Зи халкь патал цуьквед гатфар, гад жеда,
Кьур акъатай никlерани яд жеда,
Лезгивал хуьн квез зи дад-бидад жеда.
Хаинар, куьн элдин вилик пад жеда,
Иблисриз кlеретlри кьур инад жеда,
Цициквид рикl вичин хура шад жеда,
Зи умуд я- хайи чил абад жеда.
* лекь тайифа- племя леков.
Жеда
© Copyright: Вадим Адилов, 2015
Свидетельство о публикации №115091103507
Свидетельство о публикации №115091103507
Рецензии