Я веру табе і ў цябе.
Бяжы навыперадкі сваім сумненням,
уцякай далоў ад сваёй няўпэўненасці.
не аглядаючыся.
не баючыся.
упарта.
Бій наскрозь у шкляныя шчыты перашкод,
не саромся параніць свае спадзяванні
моцаю трываласці.
непахіснасцю.
вытрымкай.
Не збочвай, караскайся, што стае сілы.
Страчвай раўнавагу, драпай скуру аб скалы.
не апраўдваючыся.
не жалуючы.
адважна.
Мы сустрэнемся наверсе назаўсёды,
каб трымаць адно аднаго і больш не ўпасці.
паколькі я верыла
табе і ў цябе.
і ты змог.
Вяршынi самi сабою не заваёуваюцца
© Copyright: Аляксандра Фагот, 2015
Свидетельство о публикации №115090800525
Свидетельство о публикации №115090800525
Рецензии
