Зімовая маляванка.
З завеяй хмары наляцелі,
Згубіўся свет у снежнай белі,
Сцішэла досвіткам. Уранку
Зіма стварыла маляванку.
Ляжаў на даху кот бялюткі,
З кружочкам коміну пад грудкай,
Нячутна соп дымком і дзьмухаў
І кіпцюром паветра чухаў…
Зірнулі незнарок пад бэз!
Няўжо мядзведзь у вецце ўлез?
Выразна бачны мыза, лапы -
Ну, як жывы там касалапы.
У садочку дрэвы апранулі
Пухавікі паўзверх кашуляў,
Змянілі на валёнкі тапкі,
Схавалі голавы пад шапкі.
І куст агрэсту недзе знік.
Аднекуль ўзяўся снегавік.
Падобны ён на белы мячык,
Падзьмуць вятры і ён заскача…
Дзівосы гэтыя - не ўсе!
Зіма здзіўляе пакрысе.
Яна мастак, спявачка, дойлід…
І ў яе на ўсё свой погляд.
Фото інтернет
Зимняя зарисовка на белорусском
© Copyright: Людмила Воронова Супрун, 2015
Свидетельство о публикации №115090606675
Свидетельство о публикации №115090606675
Рецензии
Дзякую! Клаўдзія Сямёнаўна! Здароўя і дабрабыту Вам!
З павагай!
Людмила Воронова Супрун 07.01.2017 20:31 Заявить о нарушении
З павагай!
Людмила Воронова Супрун 07.01.2017 20:31 Заявить о нарушении
На это произведение написаны 2 рецензии, здесь отображается последняя, остальные - в полном списке.