Лезги намус,
Лезги булахрин михьивал,
Лекьерин руьгьдин винизвал,
Хайи чилиз ва Дидедиз вафалувал -
Cадрани квадармир!
*****
Гьамишалугъ амукьун вич адет туш,
Са югъ къведа-гуьлуьшан рагъ рекъида.
Перишандиз кьуд патахъди килигна,
Вири туна, дуьньядилай хъфида.
Зун кьейила, заз гуьмбетар эцигмир,
Тамир чинал кьунвай ясдин ч1арарни,
Руьгь пашман яз,ч1улав партал алук1на,
Лугьумир зун язух къведай гафарни.
Заз ухшар хьухь,эгер хатур к1андат1а,
Куьн акурла,Буба рик1ел къведайвал.
Архаяр хьухь Лезги чилин-Ватандин,
Куь Бубадиз халис гуьмбет жедайвал.
И дуьньядихъ айру сирер авай туш,
Бубад ухшар я веледдин иервал.
Кар вине яхъ,сафунай ягъ гафар буш,
Ви намусдал ерли леке тежервал.
24.08.2015 г.
Бубадин веси
© Copyright: Камил Акимов, 2015
Свидетельство о публикации №115082407853
Свидетельство о публикации №115082407853
Рецензии