Сябар

Сяброўства на зямлі такая сіла,
Што без яго на свеце цяжка жыць.
Куды б цябе жыццё ні занасіла,
Старайся гэтым словам даражыць.
Жыццё не раз сяброўствам нас праверыць,
Дасць разабрацца з часам хто ёсць хто.
Сапраўдны сябар у цябе паверыць,
Калі не будзе верыць ужо ніхто.
Сапраўдны сябар дараваць умее,
Усё асіліць можа, усё сцярпець.
Заўсёды падтрымае,зразумее,
Калі ніхто не зможа зразумець.
І ён не дасць табе з дарогі збочыць,
І прыйдзе да цябе раней бяды.
Хай нават нехта дрэннае прарочыць,
З табою будзе побач ён заўжды.
На раздарожжы ён цябе не кіне,
Дарогай з ім вы пойдзеце адной.
У цяжкую хвіліну не пакіне,
За праўду разам кінецца ў бой.
І крыўдным словам сэрца не параніць,
І радасцю падзеліцца з табой.
Ніколі ў жыцці табе не здрадзіць
Надзейны і сапраўдны сябар твой.
Сяброўства на зямлі-такая сіла,
Што без яго на свеце цяжка жыць.
Куды б цябе жыццё ні занасіла,
Старайся гэтым словам даражыць.