Мне дваццаць чатыры гады
Ацалеў
Адпраўлены на разню
Гэтыя азначэнні пустыя і адназначныя
Чалавек і звер
Каханне і нянавісць
Вораг і таварыш
Цемра і святло
Чалавека забіваюць так, як звера
Бачыў:
Фургоны пасечаных людзей
людзей якіх не выратуюць
Паняцці - гэта толькі выразы:
Дабрадзейнасць і ліхадзейства
Праўда і ілжа
Прыгажосць і пачварнасць
Мужнасць і баязлівасць
Аднолькава важыць дабрадзейнасць і ліхадзейства
Бачыў:
Чалавека які быў адзін
Дабрадзейны і ліхадзейскі
Шукаю настаўніка і майстра
Няхай верне мне зрок слых і мову
Няхай яшчэ раз назаве рэчы і паняцці
Няхай аддзеліць свет ад цемры
Мне дваццаць чатыры гады
Ацалеў
Адпраўлены на разню
Тадэвуш Ружэвіч
Ацалелы
© Copyright: Аляксандра Фагот, 2015
Свидетельство о публикации №115072300860
Свидетельство о публикации №115072300860
Рецензии