Ляцяць буслы над Беларуссю,
Ляцяць да любае зямлі,
Хутчэй жадаюць апынуцца
У краі тым, дзе узраслі.
Зімовы холад вымушае
Шукаць цяпла ў чужых краях.
Але, як толькі снег растане,
Ляцяць буслы пад родны дах.
Каб іх палёт не зацягнуўся,
Усё часцей стаў крылаў узмах.
Любоў да роднай Беларусі
Нясе з сабою кожны птах.
Нішто ніколі не заменіць
Старонкі роднай прыгажосць:
Ярчэй і сонца дома свеціць,
Ты гаспадар тут, а не госць.
Яны не могуць не вярнуцца,
Каб зноў убачыць родны кут.
Бяруць у вырай усе сілы,
А сэрцы пакідаюць тут.
2008 г.
Ляцяць буслы над Беларуссю
© Copyright: Светлана Агеевец, 2015
Свидетельство о публикации №115071405632
Свидетельство о публикации №115071405632
Рецензии