Сан кийрара дог, х1ун боху ахь?
Сан б1аьргаш, стенна шу доьлху?
Сан са, хьо стенна хьийза?
Сан ойланаш, стенгахь шу лела?
Йитийша парг1ат со яха...
Йитийша дуьненна ела...
Алийша, стенга шу г1ерта?
Дийциша, мичахь ду доза?
Сан Дела, жоп суна лохьа
Церан массеран а метта.
Доьху Хьоьга, г1о дехьа
Яла цу нийсачу новкъа.
Г1о дехьа, юха дохко ца яла,
Дуьненна дог1ура долу дийнахь.
Буьйсанна наб йоцуш, ца елха,
Дехьа г1о, х1ай Сийлахь Дела!
Дахаран некъ бели хьан кера.
Реза хилла, т1еэцар доьху...
Уггар ч1ог1а х1инца оьшург -
Даимна уллехь Хьо хилар.
(29.06.2015) (Ю.З.Н.)
До1а
© Copyright: Юсупова Зулихан Нурдыевна, 2015
Свидетельство о публикации №115063006919
Свидетельство о публикации №115063006919
Рецензии