Ви ник1ера даим къуьлер аквазва,
Ви багълара билбил нуькlвер къугъвазва.
Ви дерейра Шур* булахар рахазва,
Пагь,дуьньядиз машгьур хьанвай,Хуьрелар.
Шагь,Шалбуз дагъ гьейран я вал кlевелай.
Ви акунар алатдач зи рикlелай.
Вун Мекке я,заз зи лезги чилелай,
Фирдоусдиз ухшар авай,Хуьрелар.
Чи Чувуд кlам* чи Члад тар*кlан я заз,
Зи чилелай ирид пlирер тан я заз,
Ви гуьрчегвал истеклу тир чан я заз,
Элдиз гьалал берекат квай,Хуьрелар.
Аферин,хуьр кутур тухум Бачlариз,
Намус хас я,ви гуьрчег тир рушариз.
Цуьк акъатай ви дерейриз,тlулариз-
"ДИДЕ" лугьуз жеда завай,Хуьрелар.
Визир,Фергьят,Къафлан, хуьруьн дамах я,
Ви тарих чаз куьтягь тежер са мах я.
Хъуьтlуьзни вун цуьквер авай яйлах я.
Аваданлу чуьлер гвай зи Хуьрелар.
Зи Хуьрелар...
© Copyright: Владик Батманов, 2015
Свидетельство о публикации №115062707315
Свидетельство о публикации №115062707315
Рецензии